Page 14 - Brenn_2014
P. 14
Gedichte bis 2015 Hubert Brenn (Längenfeld im Ötztal)
Tües in den Lebm
Vrpasset enker Lebm nit
vrtietets nit mit Getroele und Gschtrit
es vrgeat gahar wos man moet
und oftr tüets an et loed
Olm widr gfellt an eppas güet
sö vil, daß man olles gor nie drtüet
vil ze vil nimmet man si fier
ze lebm vrgisset man et schier
Olle worchrtn drau, is Glick kam bold
auf oemol ischt man vrbrauchet und olt
i sellt nö sövl drtien, vöer i gea
iez is fier und numma vil geat mea
Man treaschtet si: oftr holt in negschtn Lebm
jo, tüets a sellas ibrhaupt gebm
wenn de eppas tien willscht, tües glei
schnell ischt a sella Lebm fier und vrbei
Seite 14
