Page 39 - Brenn_2015

Gedichte 2015 Hubert Brenn (Längenfeld im Ötztal)

Leite seins

Leite seins, die um ier Lebm rennen
Leite, die lei Unfridn, Ongscht und Ellat kennen
Leite, die gern a Rüe und a güets Lebm hattn
Leite, die fiern Fridn und aweag Lebmsglick olles tatn
Wö se drhoem sein, is nit zen Ibrschtean
wos bleibet nen vil onders wos ozehauen und ze gean
olles zrugge ze lossn, lei is Neatigschte mit nen ze nemen
und vil Höffnige hoel und sicher aufanöerchrt onzekemen
Di Wege sein gfarlach, a Haufn gean drau
Pölizischtn, Söldotn und Zeine drhebm se nit au
lengscht nit iberoll sein se güet augehöbm
si wern in Loger gschtecket und umha gschöbm
Leite seins, die olles tien und riskiern
Leite, die lei oes welln: an öerdelachs Lebm fiern
Leite seins ö, die se nit inha lossn welln
und si mit Gsetzern, Zeinen und Aufongsloger drgegn schtelln

Seite 39