Page 43 - Brenn_2015
P. 43
Gedichte 2015 Hubert Brenn (Längenfeld im Ötztal)
Grod a Zaun
Iez sein se do
man hot jo gset si kanntn kemen
und hot nens sögor atie leicht gemochet
sein an Weg durch di Helle gongen
hobm olles zrugge gelot
und vil hobms nit ibrlebet
iez geats drunter und dribr
und auf oemol sellt a Zaun hea
na, e koer, e lei a technische Osichrige
obr a Zaun ischt a Zaun und bleibet oer, gleich, wie man drzüe set
konn ö a Seitntier sein, wie se gemoet hobm
sischt fellt nen nuicht mea in
es ischt nit grod olles gscheide gewesn
obr a Zaun ischt koe Lesige
asö auf di Schnelle
a Zaun ischt a Schondmol
a Zaun ischt wie a Maura
ums Lond, ö wenns lei a Schtuck ischt
ums Darf umha
zwischn Leitnen
ums Harchrz
orme Pölitik, wenn dos olles ischt, wos ets zommbringet
ze wose brauchets enk do nö müeß man si frogn
und des mießet enk sella Frogn gfolln lossn
nuicht drrichtn tatn mr salt wöll ö und endar eppas
und dos olles apor Wöchen vöer Weinachtn
na, a sella Zaun aufn Winter inhn ischt olles, lei koe Hilfe und koe Nutzn
ischt a Dummheit und bleibet oene
Seite 43
