Page 48 - Brenn_2015
P. 48
Gedichte 2015 Hubert Brenn (Längenfeld im Ötztal)
Dos Jor hot vil brocht
Vil, wos dos Jor widr brocht hot
es ischt nit olles grode gongen und glott
hobm widr gemiescht ollerhond hinnemen
hatt atie eppas kennt bessar kemen
Hobm Leite vo dr schiehn Seiten kennen lernen gemiescht
daß man lei asö folsch sein konn, unerlach und wiescht
asö one Ricksicht lei gonz auf iern Vöerchrtl aus
jeds Mittl ischt nen recht, si mochn si nuicht draus
Si liegn und vrleimdn one mit dr Wimper ze zuckn
hobm koene Hemmungen ondere weck und außn ze druckn
wenn eppas ischt, geats olm lei um si
iere wichtigschtn Werchrter sein i und fier mi
Si jauln glei au, holtn se eppas fier vrkerchrt
tien obr salt nuicht drzüe, daß es bessar werchrt
sein nochtrogat, unvrsenlach, gewolttatig und rochsichtig
lei wos si moen, ischt fier se wichtig
Und nit vil onderchrt, gonz gleich geats züe und is sischt
koe Wunder, wenn di Walt asö letz beinonder ischt
di oen hobm olles, ze vil, weil se sis drrichtn
di ondern hobm nuicht, vil ze weag, mießn flichtn
Do geits Kriege, Onschlege, brutale Gewolt
niemat drgebuitet den Terrörischtn Holt
dies selltn, zoegn si hilflös und schwoch
und leschtn Endes gebm se e olm widr noch
Seite 48
