Page 34 - Brenn_2016

Gedichte 2016 Hubert Brenn (Längenfeld im Ötztal)

Es ischt olles lei gelihn

Gleich öb Glick, Bsitz, Reichtum, Onseahn, Gald
es ischt olles lei gelihn auf dr Walt
olles, wos an fein dunket, wos hea geat ödr ihn
gleich, wos es ischt, es ischt olles lei gelihn
Sö güets geat schtrenget man si on
daß man si eppas schoffn und leischtn konn
wenns oftr fier ischt, drnimmet niemat eppas mit
olles ischt lei gelihn, mitnemen konn mans nit
Olm widr kimmet an eppas in Sinn
olm widr fellt an eppas Nuies in
man roffet und schoffet, man will olm nö mea
obr nuicht geherchrt an fier olm, man geit olles widr hea
Öbs an passet ödr nit, olles geherchrt an lei auf Zeit
wos auf dr Walt giltet, tüets nit olm fier di Ewigkeit
do ischt olles lei gelihn, man müeß olles widr zrugge gebm
Glick, Bsitz, Onseahn, Gald und zelescht ö sei Lebm

Seite 34