Page 41 - Brenn_2016

Gedichte 2016 Hubert Brenn (Längenfeld im Ötztal)

I glöb dron

I glöb gonz oefoch gonz fescht dron
daß man di Walt güet mochn konn
daß olles, wos kronk ischt, gsund werchrt
wos vrkerchrt ischt, wies ze sein geherchrt
Daß es genüeg fier olle geit
is Leitprinzip hoeßet Gerechtigkeit
fier olle glongets und ischt genüeg do
wer mea hot, wos ar brauchet, geits gern o
Fridn is ö, wos man iberoll wellt
daß unteranonder mea Liebe sein sellt
olle mechtn si gfrebm, hobms gern fein
olle pröbiern sö güets geat glicklach ze sein
Drmit onzefongen war numma ze frie
man müeß eppas tien, vo salt werchrts nie
man mießat si schöen aweag mea drum bemien
und wos nö wichtigar war: man mießats endlach tien

Seite 41