Page 44 - Brenn_2016

Gedichte 2016 Hubert Brenn (Längenfeld im Ötztal)

Measchprochig

I sog: i bin gewesn, du sescht: i bin gsi
du sescht zügeln, plindern sog i
mir hoeßns et onderchrt, wenn mr is Gleiche moen
atie ischt dr Unterschid gröeß, atie lei kloen
bei ins set man Kas, bei enk hoeßets Käs
mir sogn drzüe Hösa, des hoeßets Hes
des sogets eigntlach ze ollesn onzelegn
bei enk hoeßets mega, mir tien eppas megn
des soget Hus, bei ins a Haus
kimm bei ins, kumm bi üs – kenneschte di do nö aus
obr wenn de di untrholtn tüescht
woeschte olm genau, wie de redn müescht
und weil i gern mit dr schmusn tüe:
mir sogn Bussle, des Muff ödr Mutz drzüe
mir sein auf dr endern Seiten von Arlberg, des auf dr hiegern drvöer
wenn mr et ze enk außn forn, mießn mr durchs longe Röer
atie mießn mr sögor den Weg ibrn schteiln Poß nemen
daß mr holt decht zen enk außn kemen
obr gleich, wie mr redn und wos fier Werchrter mir hern
mir vrschtean aononder güet und hobm ins frei gern

Seite 44