Page 45 - Brenn_2016
P. 45
Gedichte 2016 Hubert Brenn (Längenfeld im Ötztal)
Is Bschoadtrihle
Baschtlar bin i sischt koer, atie gea i holt eppas on
dosmol hon i mrs fier di ongeton:
i hon gschnitn, gsaglt, geleimet, gschmirglt, gschnitzet
gehöblt, genoglt, geböerchrt, zommgsetzet, drbei et öerdelach gschwitzet
hon gemolt und laggierchrt, gfreset, gepoppet, gehamrchrt
gfeilt und gschraufet, vrzierchrt, ummenonder getamrchrt
hon mi ogemiet und geploget, daß es jo eppas werchrt
weil i gewescht hon, daß es oftr jo dir geherchrt
i hon mi zommgerissn und i hons drton
i hon gewarklt, sö güet is zommbrocht hon
wies auswendig gepasset hot, hon i nö ongetrogn
die Kassette inwendig ze füettern und mit Somt auszeschlogn
oftr is ferchrtig gewesn, i hon mei Gschenk fier di inhn geton
i hon drs Trihle gebm – „Mei hoscht du dr vil ongeton!“
hoschte gset und wie de schtölz und zefridn bischt
obr du hoscht wie vil nit gewescht, wos a Bschoadtrihle ischt
Seite 45
