Page 50 - Brenn_2016

Gedichte 2016 Hubert Brenn (Längenfeld im Ötztal)

In Konzerchrte

A bekonnts Schprichwöerchrt hoeßet:
man konn ollerhond drlebm, wenn man vrroeset
ze an Konzerchrte – vo di Sear und von Andreas Gabalier –

sein mr ingelodn wöern
ze Dornbirn in Vorarlberg diföern

Mea wos sibmtausig Leite, is sogs enk, züegongen is
laute is gewesn, a Gschprong und a Geriß
schier olle sein bei mr fier Gseff höln gschprungen
sein mr auf die Zeahen getromplt, hobm mi gschupfet, ongeremplt,
gschriern und folsch mitgsungen

Ze oer hon i gset, auf an Konzerchrte war i do
do larchrt se glei apor Bechar Wein ibr mi o
grantig hon i se ongschriern und weck gschupfet
iez is se ausgflippet und frei pleratr ummenonder gehupfet

Draufhin hobm se – di Security-Leite –
mi und die bei mr gewesn sein, ogfierchrt

oefoch asö, weil se gemoet hobm,
mir hattn gschlegerchrt und epparn apor gschmierchrt

freilach hot si oftr wöll olles glei amol augeklerchrt
lei vo den Konzerchrte, wegn den mr eigntlach kemen sein,

hon i nit vil geherchrt

Oes woeß i holt: do for i, wenn ibrhaupt, sö glei numma hea
und auf sella Konzerchrte gea i ö koene mea
i scholt liebar in Fernseahar in, det woeß i, daß i di Musig ö her
und i konn mr sicher sein, daß i nit ongeremplt und nit ogfierchrt wer

Seite 50