Page 39 - Brenn_2018

Gedichte 2018 Hubert Brenn (Längenfeld im Ötztal)

Noturfilösöfi

Olleweil mecht man a Vegele sein
bei ins in Gorchrtn hobm ses frei fein
Füetter genüeg is gonze Jor
obr von Nochbor di Kotzen sein a Gfor
Kaum kimmet a Vögl, hein se glei do
hinter an jedn Buschn passn se se o
ö wenn se moeschtns drtrinnen, atie is drum gscheahn
atie an brutaln Mörchrd hon i asö gseahn
Asie hot an Omsla ödr Schpazle gemiescht dron glöbm
wos hon i gewerchrt, hatt den Kotzen et gern oene gschöbm
„Dos ischt di Notur, do richteschte nuicht aus“,
hon i ze hern bekemen, „moch dr nuicht draus!“
I hon mr obr eppas draus gemochet
hon schier Vegle gehietet und ibrwochet
und wenn i lei oen Schpoze is Lebm gerettet hon
oftr zeih i, hon i decht a güets Wark geton

Seite 39