Page 42 - Brenn_2018
P. 42
Gedichte 2018 Hubert Brenn (Längenfeld im Ötztal)
Mit Göttes Hilfe
Es geat et grodaus, güet und glott
wenn man in Herrgött auf seir Seiten hot
vil konns nit sein, wos det nö falt
es rennet, und sall schier vo salt
Freilach sellt man holt ö dron glöbm
daß es asö eppas geit wie Hilfe vo döbm
vo atie epparn werchrt dissall unterschetzet
es ischt dr Glöbm, der Barge vrsetzet
Bei atie epparn kannt zwor dr Indruck aukemen
man breichts drmit nit gor asö geneischtig ze nemen
denene fellt, wosn se tien, schprichtwerchrtlach in Schöeß
ischt nen in di Wiega gelet und mochet se gröeß
I vrtrau auf Gött und loss mi drau in
i woeß, daß i det güet augehebet bin
und bin i widr amol kesslon
i woeß wöhin und wer mr halfn konn
Seite 42
