Page 43 - Brenn_2018
P. 43
Gedichte 2018 Hubert Brenn (Längenfeld im Ötztal)
Widrschtendig
Si hobm mi ohn gedrucket, obr wie
lei – kloene beigebm hon i nie
nie und nimmer werchrts epparn gelingen
mi zen Kuschn und Rüegebm ze bringen
Si hobm gemoet, i gea vöer nen in di Knie
obr kroflen und kriechn – sall wer i nie
i wer olm grode und aufrecht vöer ollan schtean
und zilschtrebig mein Weg durchs Lebm gean
Atie hobm se gschriern: Nö vil ze frie!
Obr hintn noch und lei amol tüe i gonz gewiß nie
i mecht in dr Zeit sein und sö weits geat, vöer dron
lei in dr Kutten ödr aufanöerchrt hintn schtell i mi sicher nie on
Es geit gemüeg Sochn, do frog i mie et: wie?
Obr es sein an nö vil mea, wö i genau woeß: dos nie!
I loss mi nit intoeln, entscheid salt, wos i mog und wos nit
i loss mi vo niematn vrinnomen und for recht güet drmit
Seite 43
