Page 50 - Brenn_2018
P. 50
Gedichte 2018 Hubert Brenn (Längenfeld im Ötztal)
Vrköfats Elternhaus II
Olm und olm widr gea i dron fier
und schaug urchn, moeschtns is se züe, di Haustier
jo, i woeß, i hon do nuicht mea vrlöern
es ibrkimmet mi schware, und atie ö dr Zöern
Hatt mr nie gedocht, daß es amol asö werchrt
und inser Haus amol epparn ondern geherchrt
es tüet mr hoemelen, obr ischt mr ö frende wöern
i schtea bein Zaune und bleib divöern
An liebeschtn kam i do gor nie mea hea
geit mr lei schiehe und tüet mr jedsmol wea
i hon do nuicht mea ze süechn, es geat mi nuicht mea on
obr fier mi is und bleibets inser Haus, do tüe i nuicht drvon
Gschpassig is et decht, wenn i drvöer schtea
ödr, weil i müeß, drnebm ohn gea
sells gehern, wens iez geherchrt, es lot mi nit aus
fier mi is und bleibets fier olm mei Elternhaus
Seite 50
