Page 16 - Rossa 4

Gedichte Joseph Rossa

fjutscha is past

a protonal schwebt im finschtan völlig zeitlos vor sich hin

dabei rammt es a neutronal oafach so – ganz ohne sinn

eh de zwoa in sich vaschmelzn (denn sie schweben schon synchron)

kimmt vo oben a erleuchtung don hochwürdn elektron

nix mal nix is no niente bis da urliachtfunkn blitzt

schaffen strahlen elemente was relativitäten nützt

drauf weads hell vo tausnd sonnen a grells liacht isch ummadum

überoll im All is´s g´ronnen ausschaugn tuats curriculum

wia a gonz a winzigs trümml, an kloans randl, kältn spüat

hupft es raus aus dem gewimml dass es langsama vaglüaht

auf der kugl hots begonnen und bold kreucht und fleucht es drau

und sie draht sich um de sonnen um sich selwa und wead blau

und de menschn de drauf aschtn de vapestn olle luft

wia den globus sie belaschtn schaufln sie de eigne gruft

und solong bis olls zu aschn wead da mensch so weita tian

aa da geischt in seina flaschn wead in zukunft mit vagiahn

Seite 16