Page 14 - Wieshofer

Gedichte Marianne Wieshofer

Winter

Ich stapf gern im Winter durch zuagschniebne Weg,

nebm eisige Bache über ganz schmale Steg.

Ich mags gern, wenns stad is und wenn sih nix rüahscht –

siech d´Wildspur, die hoamla zan Stadei hinfüahscht.

Die Bam und die Staudn send weiß, auf und auf.

Am Feld jeder Stempe, hat a Schneehaubm obm drauf.

Wos d´hinschaust, da glizltz, is Rauhreif drauf gstraht,

als hättns vom Himme Kristallsterndl gsaht.

Hon hascht scho drauf boat – und mit Freidn betracht,

wia d´Sunn alltag wieder an größern Bogn macht.

Und neamb nimmb mir d´Hoffnung, ich woaß ´sganz bestimmt,

daß gar nit lang dauert bis ´sFruahjahr aft kimmb.

Seite 14