Page 18 - Wieshofer

Gedichte Marianne Wieshofer

Auf Weihnachten zua

Wald und Feld send wieder zuagschniebm,

rastn tuat die ganz Natur,
netta mir hörn nit auf hastn,

´s is von Stadsei - gar koa Spur.

Habm koa Gfühl mehr für des Schöne,

laare Herzn und koa Freid,

fliachn oft gar von ins selber

stattn Gfrein auf d´ „heilig Zeit“.

Los ma(r) all in d´Herzn eini -

halt ma(r) nett´ a Boisl inn…

Aft hat Weihnachtn fü ins all -

Wieder ganz an tiafn Sinn!

Zünd´ma oh a ganz kloans Liachtl

dass´s ins allwei leichtn mag,

nit alloa grat in der Finstern,

ganz füstad - ah jedn Tag.

Dass´s ins allwei wieder Muat macht

und ah inse Angstn nimmb,

gfrein ma(r)ins – gar all mitnander –

weil die heilig Zeit iatz kimmb!

Knia ma(r)ins vorm Herrgott nieder,

er hat ins vor langer Zeit

an Erlöser auf die Welt g´schickt,
der ins von der Sünd´befreit!

Seite 18