Page 19 - Wieshofer

Gedichte Marianne Wieshofer

Salzburgerland

Salzburg, bist so a schöns Landl,

mittn in die Berg da drei(n)
und mei Dörfl liegt so friedla,

Wald und Wiesn samens ein.

Red ma(r) all so, wia ‘s der Brauch is,

`s hat die Sprach an hoamlern Klang,

haltn vui noh aufn Brauchtum,

auf a Musi und a Gsang.

Geits amal a ebbas z’feiern,

is die Tracht des schönste Gwand,

paßt an jedn ganz en Bestn,

is nit hoaggl, was für Stand.

Freundlich grüaß ma(r)auf der Straßn,

redn die Leit oh, all ban Nam

und wenns Not tuat, um ins ummer

helf ma(r) all a bisl zam.

Weit fahrn d’Leit umnand auf Urlaub,

woaß nit – mir geht des nit ein….

S’kunnt gar ningascht in der Welt außt

Schöner wia bei ins sein.

Seite 19