Page 23 - Wieshofer

Gedichte Marianne Wieshofer

Früahra und heit

Ih drah die Zeit heit zruck ganz weit,

zruck noh a mei Kinderzeit,
wo ins d´Muatter hinglenkt hat,

bald scho auf den rechtn Pfad.

Früah hat da a Strenge gwalt´t

habm dankn glernt – die Händ zamgfalt´t.

Habm ah nit kriagt um des oan glust´t,

„mia send nit gneidlt warn und bust!“

Sie hats nit mögn wenn ebba streit´t

der Hausfried hat ihr alls bedeit´t.

Gschichtl hats ins gern dazoit –

na, ihr hat koa Zeit nit kroit!

Mia habm inser Muatter gácht

is für ins dagwen – Tag und Nacht!

Wia ma außi send ins Lebm,

hat s`ins noh an Segn mitgebm.

Heit kann ich für ihre Plagn

„Gottvergelt ihr´s“ – grod no sagn!

Heit send d´Müatter so in Ei`l

Habm für d´Kinder kam dawei,

dern oftmals kam ban Stillen

a Geborgnheit mehr fühln!

Seite 23