Page 12 - Zelger

Gedichte Waltraud Zelger

Achte Station

Jesus begegnet den weinenden Frauen.

Auf dein Weg zon Kreiz kemant da a de Weibaleit unta, dia reand

sö zoagn da ,wia schiach daß ea tuat, sö kinand da nit haifn,
aba dei giatigs Lachin tuat dein Leidensweg und ea Mitleid vaklärn.

Neunte Station.

Jesus fällt zum dritten mal unter dem Kreuz.

Es is nimma zon aushoitn, du fliagst wieda hi,
kust di schiaga nimma aufrichtn, und decht schaust voi

Vazeichn auf oi ea Ungerechtigkeit, auf ea Boshoftigkeit hi

Zehnte Station.
Jesus wird seiner Kleider beraubt.

Ganz aus is, iaz steins da a no s Gwond,

es is schiaga nimma zon aushoitn, so groaß weascht insa Schond

loßt es trotzdem ois gschechn, schaust es u voi Vazeichn,

kot mit dein Guatsei kust a bei de Ungerechtn ebas dareichn

Elfte Station.

Jesus wird ans Kreuz genagelt.

Es is no nit gnuag, iaz nogln s di a no as Kreiz,

grausig is dö Weit, jo so ebas geiz.

Trotz oin schaust es oiwei no u voia Vazeichn,
sö aba schaunt wek, woint nit sechn dei Lein.

Seite 12