Page 18 - Zelger

Gedichte Waltraud Zelger

Das Missverständnis

Auf da Oim kemant vui Wondara vorbei,

a diam oa keant zua, a diam oa woint kot aufs Häisl geh glei.

I putz des Haisl oi Tog, wie i a dreckigs Haisl nit mog.

I ku ma kot heifn, wenn is Haisl sper zua,
wei sist hun i vo der Putzarei go koa Ruah

Meine Gäst gib i hoit s Schlissei, wenns ös brauchnt kot glei,

und i und dö Gäst send zfrin dabei.

A Familie mit an kloan gstiaschtn Dianei keascht bei mia zua,

es schmeckt ea und sö geniaßnt dö Ruah.

Dös Dianei wias hoit a so is,
muaß aufs Haisl geh, dös is g'wiß.

I sog: "Boat a bissei, i bring da kot glei s'Schlissei!"
Sog s Dianei drauf zo da Mama gonz gschamig:

"Wos soid auft i iaz toa mit an Schissei?"

Seite 18