Page 23 - Zelger

Gedichte Waltraud Zelger

Advent

Es glizascht a Stean so hei,

moch ma ins a da Stum harin fei.

Toa ma zomruckn, betn und singa,

a kloas Liachtei soid ins d Hoffnung aufs Jesuskind bringa.

Es glizascht aStean so schö,

toa ma Rorate geh,

zind ma a Liacht u a den frian Morgn,
nocha toant sicha vageh insa Kuma und insane Sorgn.

Es glizascht a Stean so schö,

heit toa ma uklöpfin geh.

Pfinstog is und es scheit so schö da Mond,

gehn ma wia dö Hirtn mitn oafochn Gwond,

Bringant a bisl Freid und Hoffnung unta dö Leit,

dass si a jeda auf Weihnachtn und auf s Jesuskind freit.

Es glizascht a Stean so schö,

heit toa ma Mettn geh,

homb long boat, aba heit is so weit,

mia send belohnt won und homb a gonz a groaße Freid.

S.Jesuskind is ins heit geborn,

und koana vo ins is iaz mea valoan.

Seite 23