Page 27 - Zelger

Gedichte Waltraud Zelger

Dös send meine schönstn Weihnachtn gwesn.

Gonz bsuna kims ma vi heit, i kus go nit vasteh,

d Stumtir is nit zuagsbescht und i gwor koa Engei fliagn und no weniga geh.

Warum, geh i frogn, is denn bei ins heit so bsuna,

ois wenns nit Weihnachtn wean mechat, es is übahaup nix uma.

Jo, amend host mit dein Zweifin und neigierig sei s Christkindl vajog,

dös heift ma nit vui, hät i gscheida nit gfrog.

Gonz kloalaut huk i hint an Tisch in, wei iaz weaschts zon Betn,
gonz brav wui i sei, villeicht losst si no ebas rettn.

Mia hend auf mitn Betn und oiwei is ois no so stad.

Auf oamoi her i a Glögei und es is wia a Tram,

voan Haus sich i an Liachtschei und do steht da schöneste Bam.

S Christkinei gibs decht, es is kema und i wear oiwei dru glam,

in mein Heaschz in bleib dös fi oiwei mei schönesta Tram.

Seite 27