Page 4 - Zelger

Gedichte Waltraud Zelger

Dös schafiwoiane Röcki

Mein 6 jahringen Urenki gfoit hoit dös schafiwoiane Röcki von Vota so guat.

Er fong u u'legn und probian, oba es is oafoch z'groaß und es valoßtn da Muat.

D Ärming zrugstuitn heift a nit vui,

es steht oafoch nit a so hea, wia ea dös wui.

Gonz vazog is a und auf oamoi foit eam ebas ei.

Er kimb zu mia und frog mi gonz schnei:
"So a schafiwoias Röcki, wia dös von Vota, dös tat mi gfrei,

kust ma du a sojas strickn? Dös war fei!"

I khoas eams und es is scho bsuna,

hun i decht an Winta nit umasist so vui Woi gspuna!

Iaz weaschts hoit öfta amoi zon Probian,

oba an Buam gfoits, daß a so a Röcki tuat kriagn.

Longsom weaschts feschtig, zomnah no und dö Knöpf eiflickn
Moat a: "Vota-Oma dös kust oba guat dös Strickn!"

Dös is decht richtig g'feit,

mit so an Röcki mochst den Buam dö greste Freid!

"Ku ma dös a woschn?" tuat a mi gonz loadig frogn.

"Jo freia, dös kun i da gonz gwiß sogn!"

Er häng'n gleim zum Votan sein Röcki, wei a an Vota so va'eascht
Wia i dös dös s'eascht moi siech, hun i glott a wenk kreascht!

Seite 4