Page 5 - Zelger
P. 5
Gedichte Waltraud Zelger
Compiutan leana
"Mama du woitst decht oiwei scho Maschin schreim und
dö Buachstom an krechtn Oascht kena.
wia was, mitn Laptop gang dös vui leichta,
den kriagazt vo da Verena".
I woaß nit, mitn mörkn tua i mi scho a bisl hoscht toa.
mia kimb vi, i muaß wieda ois leana bi wieda gonz kloa.
"Dös leanst leicht, weascht sechn, auf oa moi gehts ois schiaga vo aloa.
Und wos no dazua kimb, du weascht ös sicha gean toa".
Dös öffnen und schließn und speichan, dös is ma ois fremb,
und a bisl ugschickt bin ia scho mit de Händ.
Aba guat, i probiers, genau nochn Biachi fong i u mitn Schreim,
das ma de Buachstom fi jedn Finga gonz guat in Erinnerung bleimb.
Es geht ma gonz guat, und i kriag a Schneid,
dass i auft go z long bein Laptop hibei bleib.
Dö Flaxn toant ma weh, do muaß ihoit schmirm, a wenk längsama toa,
so a noune Arböt geht nit vo gonz allao.
Iaz hun i s Alphabet durch, iaz muaß i no leana,
wia moch i an Beistrich, an Punkt,
a Frage-und a Rufezeichn, dös dauascht no a bisl, bis bei mia funkt.
"Iaz kust schreim Mama, iaz kust üba dö Chronik geh,
dös nochlesn war spata amoi fi ins Kina schö".
Dös hun i seiwa a scho länga an Hintakopf ina,
oiso tuat ma dös Copiutan seiba a gonz vui bringa.
Seite 5
