Page 7 - Zelger
P. 7
Gedichte Waltraud Zelger
Buamastoiz
Insa viajahriga Bua derf mitn Papa um dö Muichkoln geh,
und bleimb bein Nochborn, bein Wanga a wenk steh.
Da Wanga sog zon Buam a wenk vaschmitzt:
"Jo griaß di Hildegard, bist oba groaß won, hät di boid nimma kennt, vaflixt!"
Da Bua reißt s'Moi auf und d'Augn weand groaß,
jo, wos is denn kot mit'n Wanga loas?
Is denn dea nit gscheit,
das a mia an Diandlnom geit?
"Stoi da fi Mama, da Wanga hot Hildegard zu mia gsog!
Hot denn der dös no nia dafrog,
hot eam denn dös no go neamb gsog,
das i a Bua und nit a Diandl bin!
Na dös geht ma nit eichi a mein Sinn!"
Seite 7
