Page 32 - Brenn_2019
P. 32
Gedichte 2019 Hubert Brenn (Längenfeld im Ötztal)
Mei Computer und i
Mei Computer tüet nit olm asö, wie i will
eppar vo ins boedn hot nit is richtige Gfil
i tüe olm olles, wos in dr Onleitige schteat
es nutzet obr nit vil, weils lei saltn geat
I druck iberoll und scholt aus und scholt in
apor Liechtlen leichtn au, drnoch is widr dohin
i schrei und bin schtille, i maul und flüech und bitt
i konn tien, wos i will, es geat oefoch nit
Galign amol, meine Finger sein breits schteif und klomm
i woeß zwor nit wie, obr irgndwie bring is zomm
heitzetoge vrlongen se jo olles lei mea digital
wenns noch mir gang, wars mir vil liebar normal
Seite 32
