Page 4 - Brenn_2019
P. 4
Gedichte 2019 Hubert Brenn (Längenfeld im Ötztal)
Geton
Wos fenget man in asö an Menschnlebm nit olles on
müeß eppas wern, ze eppas kemen, zoegn wos man konn
galign oftr ö zewos mans brocht hot und öb
man hot an Hunger auf Onerkennige und Löb
Di Zeit vrgeat gahe, asö a Lebm vil ze bold
wenn mans ibrhaupt drlebet, ischt man galign olt
man bsinnet si, schauget zrugge, wies gewesn ischt
nit olm grod leicht, nit olm recht, obr ö nit ummensischt
Man hot si gemiescht mit vilan umha schlogn
hot atie eppas inschteckn gemiescht und si öerdelach plogn
si olm widr onschtrengen und ollerhond auf si nemen
es hot an ö weitar brocht, man ischt weitar kemen
Gegn leschtach oftr, wenn di Wege et miesealig wern
denket man olm mea und eftar ans Auhern
man ischt miede wöern und hinterlot
vil ödr nuicht, obr bsunders, wos man Güets geton hot
Seite 4
