Page 69 - Fischer 2018
P. 69
Gedichte bis 2018 Eva-Maria Fischer
A guada Tog...
Wieda amoi a guada Tog
ohne Ärger, Stress und Plog.
Wieda amoi as Gfüh verspian
das ma ku de Ruah berühn.
Wieda amoi de Vegä hean
und wieda amoi auf a Ratscherl
zum Nochborn ei kean.
Wieda amoi de Seele baumeln lossn
wieda amoi de Sun auf´s Baucherl
aufi scheina lossn.
Wieda amoi ois guad sei lossn
und des feine Gfüh ins Herzal eini lossn.
A wenn´s net imma da Oitog is
oas is owa sicher gwiss
a guada Tog losst oan wieda leichter Lebm
und an Ärger wieder besser verstehn.
Wieda amoi a guada Tog
ohne Ärger, Stress und Plog.....
Seite 69
