Page 19 - Fischer 2019
P. 19
Gedichte ab 2019 Eva-Maria Fischer
Kinderaung
Unsa Wöt durch Kinderaung seng,
do kust öfters wos besser versteh.
De Wöt so strahlend bunt und voller Forbm,
wia durch Kinderaung as verborgene
bei oan söwa behutsom ausgrobm.
Schau hi, schau
do kust vü vo dia seng
wia sich dei Lebm tuat longsom beweng.
Des große Herz
des de Kinderaung zum leichtn bringt,
is fia jeden der einischaug bestimmt.
So tiaf so wohr, oafoch
WUNDERBOR.
Funkeln und stroin vor Glück und Freid
owa nu dazua kimmp de Gelossnheit.
Genau des is wos Kinderaung so besonders wean losst.
Vertraun und ollen Leit in die Augn schaun.
Unser Wöt durch Kinderaung seng,
do kust öfters wos besser versteh.
Seite 19
