Page 27 - Fischer 2019
P. 27
Gedichte ab 2019 Eva-Maria Fischer
Urlaub fia de Seele
Da Urlaub is vorbei
und mia kimmp vi, i hob wieder fia nix dawei.
Do renn i umma vo links noch rechts und wieder z´rugg
a wenn mei Kreiz scho weh tuad, i hob net gnuag.
Schnö des nu und schnö dossn, i kus oafoch net lossn.
Owa donn hoit i mein Oitog u, denn jetzt kimmp gonz wos onascht´s dru.
Worm is da Sond, den i gspia auf meine Fiaß
und i zugleich meine Augen longsom schliaß.
Der soizige Wind, der vom Meer herrei kimmp
und glei in mei Seele eini verschwind.
So wia i as regelmäßige vo de Wön fein hea,
genau so, kea i jedes Johr do her.
De Möwe gleit majestätisch mit´n Wind fliag aussi as Meer
bis sie vollständig hinterm Horizont bei Sonnenuntergong verschwind.
De Sun is so stork, so hell und klor.
Im Urlaub nimm sie so richtig wohr.
A des gemütliche Platzerl am Strond, mit feiner, italienischer Musik
de kemma is, vo da Bar ums Eck.
Da fruchtige Gschmok in jedem Glasä nua,
in jedem Cocktail wor Italien pur.
Wahnsinn, wia vü besondere Momente i wieder erlebm hob deafm
und loss meine Gedonken oafoch weiter schweifm...
Da Urlaub is vorbei und mia kimmp fi
i hob wieder fia nix dawei.
Seite 27
