Page 45 - Fischer 2019

Gedichte ab 2019 Eva-Maria Fischer

Hoamat

Mir wead gonz worm, des Gfüh is nei,

mei Homatl is so RICHTIG fei.

Bin umgebm vo so vü scheene Sochn.

Natur, nette Nochborn und Leit,
de mir vü Freid, immer wieder mochn.

Mir is gonz klor, dass des a Geschenk für mi is.
So a Hoamtl z´hobm,

is net selbstverständlich, des is gwiss.

Geschützt mit vü Kroft und doch so federleicht,

is mei Hoamatl, des is mei Reich.

Mit Demut und Zufriedenheit

is mei Hoamatl bestückt.

Net zu groß und doch mit so vü Glück.

Danke Hoamatl,
vielleicht weascht net immer,

as gleich in mein Lebm sei.

Owa egal wo i nu bi, in mein Lebm,

so a Hoamatl weaschts überall gebm.

Mir wead gonz worm, des Gfüh is nei,

mei Hoamatl is so RICHTIG fei.

Seite 45