Page 52 - Fischer 2019

Gedichte ab 2019 Eva-Maria Fischer

Ungewiss

Es is so ungewiss, wos kimmp nu ois.

Is des jetzt gwesn, mit unserm bisherigen Lebm.

Wos kimmp nu ois.

So ungewiss und voller schweren Gedonken,
so ungewiss, wia bei oan tiafm Grobm.

Hob Ongst, dass des Erdreich mi nimmer heutn ku,
hob Ongst, dass i kim boid dru.

Mia weascht gonz hoaß,
i griag koa Luft,

es is so ungewiss, wos kimmp zu Schluss.

Donn hear i leise und moch gleich meine Augen zua,

jetzt merk i, dass wos onascht wead in mir.

Ma kus net greifm und a net riachn,

owa des UNGEWISSE,
söd sich glei wieder verziachn.

Wo glabst denn du , sog de Vernunft und des Vertrauen,
söd i jetzt immer nur mit Ongst,

in mei Zukunft schaun.

Na, ungewiss des mog scho sei,

owa i loss mi net narrisch moch, obendrei.

Seite 52