Page 14 - Patjens

Gedichte Christa Patjens

Freiheit hoaßt a a Luft kriagn

liabe tirolerinnen und tiroler
a bissl was hammer no
vom andreas hofer
drinnen im bluat
des merkts enk guat
da obm

des sagt der gurgiser
machts uns nit narrisch
weil sie jetzt gar isch
unsere geduld

mit messer und gabl
miaßn mir sie schneidn
die luft
diea außipufft
und koaner will sich wehren
von unsere herren

mir schiabm sie aui die ärml
bis zu die ohrn
die wadl schmiern mir
und nocha gian mir
auf die autobahn

so lang bis sies kapiern
freiheit hoaßt a a luft kriagn
nimma long bettln und fragn
wer nix sagt hat nix zum sagn
wer nix tuat geats dem zu guat

Seite 14