Page 38 - Patjens
P. 38
Gedichte Christa Patjens
Auf'n Bergisl
der bergisl in innsbruck der isch wunderschian
do kunn mo am sunntog sogor z'fuaß aui gian
do gibts a museum der anderl wohnt drinn
der hot do jo a kämpft, kimmt mir wieder in sinn
dia schlacht'n worn hort, vier mol an der zahl
und oane kunsch unschaug'n in am rießig'n saal
dreimol hat er gwunnen, die vierte - skandal
da hab'ns iam einiglegt - der hotte koa wohl
des sog'n holt alle, i wor nit dabei
di tiroler kennen's guat, a gscheide ranglerei
der anderl hots gschofft weil der hot kapiert
wia ma soam napoleon seine wadl schmiert
aber weiter geats beim urichhaus vorbei
da feiern se feschte i wor a scho dabei
da lassn'ses krachn und der dompf steigt a au
nur heit isch er friedlich des woas i genau
und isch ma dann ob'm in der schanze drinn
do kimmt mir wieder der Vetori in sinn
oaner vo vielen dia da gwunnen ho'm
a kämpfer wia domols kunn ma da nur sag'n
nu heit kämpf'n se ondersch ohne steck'n, mit schi
de hupf'n do oha des hosch g'segn a nie
so wia der anderl zoag'n se der welt dia stirn
mir tiroler sollt'n öfter auf'n bergisl aui gian.
Seite 38