Page 125 - Rossa 2

Gedichte Joseph Rossa

Versal schreibn is so schian

wenn sich olles reimt

solls a bissal zacha giahn

aftang wead hold gleimt

Mundart

I hun mei Mundart ollezeit

mit meina Sproch gepflegt

denn schließlich habm de Eltern mia

des in de Wiegn glegt

I hör gearn ondan Leutn zua

da Jugnd bsunders gearn

de Mundart isch do grob und laut

und nit olm fein zan höan

In leschta Zeit, so kimmt mia füa

isch Mundart andersch wordn

de schiane Red zua Zärtlichkeit

isch leida fascht valorn

In insa Sproch do mischt sich vü

- Anglistik bsundas gearn -

und kunn steaht man ban Schifoan un

fascht nua germanisch höan.

Seite 125