Page 146 - Rossa 2
P. 146
Gedichte Joseph Rossa
Lahnboch
Am Lahnboch geah i gean schpazian
do lebt no a Natua
man kunn sein oagnen Otem schpüan
und hot in sich a Ruah
Da Lahnboch rauscht an urigs Liad
dem hea i so gean zua
ols Olta wead i do nit miad
de Seele fühlt de Ruah
Mei Kindazeit liegt do vasteckt
im Boch inn, untam Stoan
i hun an Friedn doscht entdeckt
so gonz mit mia alloan
An Oadaxl des schaugt mi un
ols waars mit mia vawandt
de Amoasn de habm getun
ols waarn mia long bekannt
I wollt do oafach Wurzln hamm
dia holtaten mi fescht
ols oltn und aufrechtn Stamm
und sell no bis zu lescht
Seite 146
