Page 156 - Rossa 2
P. 156
Gedichte Joseph Rossa
Herbscht
De leschtn Aschtalen vabliahn
a Tautröpfal im Gros inn blinkt
sinsch is olls gricht zan giahn
da Goschtn hot se obgeschminkt
Da Wind waht Blattla vun de Baam
de Kuahlan sein im worman Stoll
hobm vun da Olm lei no an Traam
da Herbscht probt an Vafoll
Konjunktiv
Waar i a Baam, staand i im Wold
häd schiane griane Hoor
trotz meine achtzg waar i nit old
im Wold a Jüngling gor
I schaugat wia de Leid so tian
voll Hektik und voll Hascht
i brauchat des olls nit vastiahn
i rüahrat kaam an Ascht
Seite 156
