Page 177 - Rossa 2
P. 177
Gedichte Joseph Rossa
Hoffnung
Man siecht nua von Weitem
wia du blüahst wia du glanzst
und man woaß no von friaga
wia von Bienen umtanzt
man isch decht nit gonz froh:
de Zeit isch nit so
Bold wirst du voll Laab sein
und ollas isch grian
und a Ruah und a Rauschn
isch bei dia zan spüan
nua sein mia nit ganz froh:
de Zeit isch no nit so.
Und mia traamen an Traam
wenn de Kirschn sein rot
sitzn ma olle untam Kirschbaam
und vorbei de ärgscht Not
und dann sein mia wieda froh
und de Zeit isch nimma so.
Seite 177
