Page 20 - Rossa 2

Gedichte Joseph Rossa

I mecht

Geh legg mi decht, ah so a Mist

i sog dias jedn Tog
dass du füa mi de schianste bist
und dass i di gearn mog

Wia konn an Olta nua no so blöd sei?

I mecht so gean des Flaschl sein

aus dem du so oft drinkst
i taat aa gean des Taschl sein

mit dem du s´Göd hoambringst

Wia gean mecht i de Schüssl sein
aus dea du Suppn isst
genau so gean dei Schlüssl sein

wal du den nia vagisst

Dei Handy waar i aa sehr gean

wal dia des vü bedeut
i mecht füa di gearn vü meah wean

olls olle ondern Leut

I waar so gean dein Lippnstift

dea mi so oft verfüahrt
i waar aa gean dea Treppnlift

de di zu mia herfüahrt

Dein Frauendokta mecht i sein

dea di so lang betracht
des waar füa mi aa decht recht fein

ban Tog und ba da Nacht.

In deine Augn des Funkln sein

des waar mei Zaubawelt
und wenn mia dann im Dunkln sein

ins des de Welt erhellt

Seite 20