Page 202 - Rossa 2
P. 202
Gedichte Joseph Rossa
Rosn
Grod wia aus de Knospn de Bliatn giahn au
hob i mia oa Rosn obgschnittn
und bin damit zu meina künftign Frau
um sie um des Heiratn z´bittn
Kaam gib ihr de Rosn, so wia man hold tuat
war i von am Stachl schon gstochn
sie busslt mia von da Wunde des Bluat
und i hob den Brotn nit grochn
De Johre varinnan im launischn Inn
des Rosnschneidn bleibt mia als Laster
und rinnt jetzt s´Bluat, schreit von drin
„in da Kuchl innen sein Pflaster“
Friaga wors bessa, habn de Rosn no Dorn
de stechn nit so wenn man schusslt
do sein de Fraun no zärtlicher word´n
und habn mia des Bluat weg gebusslt
Covit d´Amour
Seite 202
