Page 228 - Rossa 2
P. 228
Gedichte Joseph Rossa
Hintergründig
Es war no in der guadn Zeit
De schon so lang vagangen
A Bäuerl isch vom Weerberg zelm
Zu Fuaß auf Schwoz oigangen.
Und denen Schwozern hot des taugt
Wenn oana so scheuch trottet
Do sein sie glei daneben her
Und habn ihn toll vaspottet.
Des Bäuerl setzt sich auf a Bank
Und möcht an Raschter machen,
Oa Schwozer links und oana rechts
San´s zuacheghockt zan Lachen.
Sie tean recht blöd und frogn recht viel
Und ziachnan an der Zottel
Da oane frogt: "Sog bischt jetzt du
A Dolm, oder a Trottel?"
Des Bäuerl schaut zerscht links, na rechts
Kriagt lei an Kopf an roatn
"I moan" sagt er und grinst dazua
"I bin so zwischen boadn".
Seite 228
