Page 206 - Rossa 3

Gedichte Joseph Rossa

Im Fruahjahr

Im Fruahjahr hot mi´s Diandl gfrogt

Ob mir net heiratn solln

„Muass dös glei sei?“ hob i drauf gsogt

I hob no net recht wolln

„Guat“ sogt sie nacha..“.meinatwegn

Hosch no a boissl Zeit

Du konnscht dias nomol überlegn

Awa koa Ewigkeit“

Jetzt hob i hold a Zeit studiat

Beim oltn Stoll am Boch

Do bin i immer hinspaziat

Deng i über wos noch

I siech a Spinnennetz ganz fein

A Spinn hängt an der Scheibm

Sie wickelt grod a Manndl ein---

---i werd decht ledig bleibm.

Seite 206