Page 81 - Rossa 4
P. 81
Gedichte Joseph Rossa
Balkon
Ban Moar habms iatz an nuin Balkon
zwar lei mit Fichtntram
do hot de Huabren s´gleiche ton
nua sie muaß Eiche habm
De Aignerin de kriagt a Kind
a Madl no dazua
de Huabarin kriegt drauf ganz gschwind
Zwilling, Madl u n d Bua
Und wias mitm oidn Bacher aus
des war a schiane Leich
trogns boid aa´n oidn Huaba naus
aufwendiger, nit gleich
Sie hot beim Bacher Kränz obzählt
und d´Leut de do dabei -
sie hot se schuo a weni quält
wiavü werdn bei eah sei.
Sie rennt und macht Reklame halt
kafft selwa 15 Kränz
hot de 5 Taxi selwa zahlt
für d´Landesprominenz
Seite 81
