Page 9 - Rossa 4
P. 9
Gedichte Joseph Rossa
Die Dichterei
Die groaßn Dichter oller Zeit
beschreibn de ganz Natua
mia kloanen Mundartdichterleit
ins reicht oa Bluam dazua
Vom Universum schreibn de oan
und wia olls zammenhangt
und insa Weltall des isch kloan
weil ins de Hoamat glangt
Mit groaßn Worten, Schall und Rauch
dass kaam a Mensch vasteht
a Mittelmaß fürn Hausgebrauch
isch oafach insa Red
De oanen mechtn diese Welt
von Grund auf nui gestalten
ins gfollt´s so wia sie Gott bestellt
mia wolln sie lei dahalten
Seite 9
