Page 3 - Weihnachtsrap
P. 3
Gedichte Joseph Rossa
Und im Ti Vi Channel 15 is des Weihnachtsmärchen aus.
Und de Mama schalt´zum Deutschen weil da spielns jetzt Stille Nacht
Und de Susi in ihr´m Bettal hat jetzt a ihr Kropfal gmacht
Und da Fanny ihr Verehrer werd vom Glühwein ganz schian müad
Und er schaut so blöd als hätt er 3 Sylvester lang studiat.
Und der Babba kimmt jetzt wieda und sei Hosn isch ganz nass
Werd scho regnen wia holt üblich und de Nässn kimmt vom Gras.
Und de Oma mecht den RAI habn weil der Papst a Botschaft hat
Und des Baby leert ihr Muas aus und da habn mia den Salat.
O du schö...o du schö...o du schöne Weihnachtszeit
Und da Babba geht zum Kühlschrank und er holt sich noch ein Biea
Und de Mama fangt zan röhrn an wega Weihnacht nit wegn mia
Auf da Straß hot iatz schun wieda ganz a lauta Böller kracht
Und de Oma weils schlecht hört glabt dass des Christkindl hot glacht
Und da Babba schnarcht oan ocha und de Mama leise flennt
Und jetzt werds schian langsam spannend weil der Christbam nämlich brennt
Ja mia gfallt der heiling Abend weil do is bei ins was los
Aber gleich is wenns na gor isch und i sog zum Abschied blos:
O du schö...o du schö...o du schöne Weihnachtszeit.
Seite 3
