Page 30 - NMS
P. 30
Neue Mittelschule 2
St. Johann in Tirol
"Red ma decht amoi
wia bei ins im Leukental"
A poor Minuten Kind sei
Boidst zuaschauggst wie die Schneeflock foid,
oft woaßt, da Advent kimmb boid!
Vielleicht is des die Gelegenheit a wenk zun Denken
Advent hoaßt nit lei „schenken, schenken!"
A wenk Zeit nehma – mitanond, nit nemmanond lebn -
denen, denen’s nit so guat geht a wenk was gebn.
Keksbochen, Adventkronz binden, Keschtz uzinten,
in die Flomm schaugn und an Frieden finten,
schoit an Radio ei, leg a Adventmusi auf
boid's Telefon leit, nit ohebn, druck oafach drauf!
Vielleicht geling’s da, a poor Minuten Kind zun sei!
S'Heaschz aufmochen, den Moment zualossn, des war fei!
I moa des is gmoant mit da „schönsten Zeit im Jahr“ -
bei ins geht des schon no – is nit so schwar!
Bild+Gedicht Kurt Pikl
Seite 30
