Page 12 - Wimmer
P. 12
Gedichte Lisi Wimmer
De Frågerei!
A kloana Bua bei ins in Kössn
der wü går ois und nu mehr wissen.
Den gånzn Tåg tuat er frågn:
Papa, såg – und – du muast mia sågn…
Er frågt, wiarum da Huaba Huaba hoaßt
is z´rütt, wie da Papa dös net woaß.
Wer håt denn s´tote Meer daschlågn?
Und da Papa ku a dös net sågn
Ob d´Oma is vor Christi Geburt geborn
und wiarum sie is so zwuzlt worn?
Dös håt da Papa dånn do gwißt
wårum de Oma zwuzlt is.
Is da Stille Ozean wirklich oiwei still?
Und wårum is´s Fleisch so guat vom Grill?
Da Papa, gånz entnerft, sågt:
Gib iatz endlich mål a Ruah! –
do der kloane Lausbua kriagt net gnua.
Seite 12
