Page 5 - Wimmer
P. 5
Gedichte Lisi Wimmer
Auf'n Spielplâtz
Auf an Spielplâtz siech a Mânn an Buam
und tuat se zu eahm niedahockn
und sâgt mei’ Bubi –hâst Du schöne Hâar
Du hâst jâ lauta Lockn
der Bua der schaut den Mânn fest u
siecht auf dem sein Kopf - koa oanzigs Hââr
und frâgt – und wo send Deine Lockn
send dia vielleicht scho gâr
jâââ –meine Lockn -- sâgt der Mânn
dia hun i längst vogessn
wiaso –sâgt drauf der kloane Bua
hâmb dia – de Schneggn g’fressn ?
Seite 5
