Page 34 - Brenn_2014
P. 34
Gedichte bis 2015 Hubert Brenn (Längenfeld im Ötztal)
Anonder vrschtean
An Wipfl vo an Bamen höcket a Vegele döbm
und singet und tüet, es ischt schier nit ze glöbm
i frog mi: wos wills mr denn gor asö sogn
es herchrt jo gor numma au tiriliern und schlogn
Vileicht drzelts, wie a güets Lebm gelinget
wie mans ongeat, daß man eppas zewege bringet
wos man tien müeß, daß di Bilanz zelescht schtimmet
wie man drkennet, auf wos es drauf on kimmet
Es hot numma ze singen augeherchrt
es hot si sischt um rein gor nuicht gscherchrt
galign, auf oemol, is au und drvon
i hon nen nochgschauget, bis is numma gseahn hon
Öbs mi wöll widr amol züelösnen lot
vil, wos es mr zen Köpfn augebm hot
es ischt sö vil, wos man moet und mecht
an Ende oftr hot decht olm is Lebm recht
Die kloene Gschicht fellt mr olm widr in
und kimmet mr olle pött widr in Sinn
es wur auf dr Walt atie wöltan bessar gean
mit Aufanonderzüegean und pröbiern si ze vrschtean
Seite 34
