Page 64 - Brenn_2014

Gedichte bis 2015 Hubert Brenn (Längenfeld im Ötztal)

I hon nit geplerchrt

I hon bei dein Begrebnis nit plern kennt
i hon koene Zahar mea gehobm
es werchrt gschpassig ausgschauget hobm und gonz gegnen Trend
obr si hobm di wöll decht begrobm
Apor hobm geplerchrt, fier mi nit olm echt
atoel hobm di Zahar lei außa gedrucket
mir hein koene kemen, obr getrauerchrt hon i decht
vileicht sögor mea wie atie eppar, holt nit asö gezucket
Geplerchrt hon i schöen ö, obr erchrt vil schpatar amol
det hots niemat ze sehan gebrauchet
i tüe wie mr ischt, do hot niemat a Wol
öb mans olm schlucket ödr öbs an woeß Gött wie schlauchet
I hon nit geplerchrt, obr iez pler i dr noch
i kannt schier gor numma auhern ze plern
i bin amol schterkar gewesn, iez bin i endar schwoch
du falscht mr, nie mea werchrts wie friar wern

Seite 64